Нашата компанија ги има своите корени во индустриското наследство на скопската Железара – симбол на индустрискиот развој и економскиот напредок во регионот. Во минатото, работевме како доверлив партнер во снабдувањето и продажбата на резервни делови за тешката индустрија, градејќи силни врски со производствени компании, инженери и индустриски системи низ целата држава.
постоиме од 1997 година
Со текот на годините, потребите на пазарот се менуваат, а со тоа и нашата улога. Денес, ја продолжуваме нашата традиција преку нов концепт: изнајмување индустриски капацитети, магацини, производствени хали и модерни канцелариски простории, лоцирани во рамки на поранешниот комплекс на Железара.
Нашата мисија е да овозможиме средина во која бизнисите можат да растат, да се развиваат и да создаваат нови вредности. Просторите што ги нудиме се функционални, прилагодливи и достапни за компании од различни сектори – од лесна индустрија и логистика, до канцелариски и административни активности.
Веруваме во почит кон минатото и иновации за иднината. Затоа, ја обновуваме и модернизираме инфраструктурата, со цел да одговориме на динамичните потреби на современиот бизнис. Нашиот фокус е на сигурност, практичност и одржлив развој.
Денес, како дел од живата и трансформирана индустриска зона во Скопје, остануваме посветени на создавање можности – токму она што од секогаш претставувало суштината на Железара.
Ви стоиме на располагање за било каква информација on-line 24/7 . Пополнете ја формата и испратете ја , Нашите оператори ќе ја регистрираат Вашата порака и ќе ви биде адекватно одговорено во најкраток можен рок
